少年成長今日: 2|主題: 15864

收藏本版

回覆發帖

返回列表

跳至頁

查看: 23444 | 回覆: 0

沒有手機的一天 [複製鏈接]

csir3290

子爵府

積分: 11020

1^#

發表於 23-12-31 10:34 |只看該作者 |倒序瀏覽 |打印

原本聖誕節諗住攞假同阿仔阿女去旅行，但係因為佢哋放完假返去之後就立即要考試，阿仔講到明話就算去旅行都唔可以去咁長，要留低溫習，終於全家都留港消費，但係見佢兩個咁勤力，又唔想佢哋咁大壓力可以輕鬆下，所以就同老婆安排咗去三日兩夜嘅staycation。疫情嘅時候通常都係去迪士尼，但係今次我哋就去咗其他酒店。除咗第一日留低咗喺酒店之外，第二日我哋就好似遊客咁去咗中西區四圍行，睇下啲古蹟同埋博物館咁樣行下行下就行咗一日。

但最特別嘅係臨離開酒店嘅時候，落到樓下老婆先至發現自己唔記得帶電話，留低咗喺酒店房，但係我老婆忽發奇想話不如今日試下唔帶電話出街睇下過唔過到，咁終於我老婆就冇返上去拎而全日都冇帶電話出街，而我同阿仔阿女都決定今日陪老婆，除咗影相之外都盡量唔拎電話出嚟。幸好我哋一家平時都好多嘢講，所以雖然就算唔拎電話出嚟，但係一路行一路傾其實時間都好快過。就算平時我哋都只係可能排隊等位或者食飯等嘢食之前先會攞部手機出嚟掃一掃，以今次只不過係連呢啲時間都唔攞手機出嚟，所以對我哋嘅影響都唔大，而且一家人傾下行下睇下好快咁又過咗一日，到返到酒店嘅時候，我老婆仲話原來一日唔帶手機出街都可以，仲好似冇乜影響添！

現代人手機隨身，只要觀察下四週都不難發現其實不論何時何地都有人睇緊手機，有啲人仲可能越嚟越唔懂得同真人溝通，但係對住手機反而可以暢所欲言，更進一步有啲人就算連用whatsapp都只能夠用錄音對答，明明可以通電話，但係總係擔心講電話嘅時候唔知講乜，但係用錄音就反而乜都可以講。連親子溝通都係，有啲父母同仔女已經大部分時間都係用即時通訊軟件嚟溝通，而面對面嘅對話就越嚟越少。係我哋過份依賴手機定真係我哋越嚟越唔懂得同人溝通呢？仔女越大，父母同佢哋嘅溝通就越嚟越少，有啲父母直情就覺得越嚟越唔識得同佢哋溝通。越唔講就越嚟越少講，變到一家人就算坐埋一齊，都變得越嚟越靜，因為各自都喺度睇緊自己部手機。

如果家長想測試下自己同仔女嘅溝通，不如試下搵一日假期，真係大家放低部手機然之後一家人出街，就真真正正可以測試到一家人究竟可唔可以溝通到。如果大家放低手機一陣都覺得會冇嘢講嘅話，咁似乎大家都應該檢討下一家人嘅相處究竟有冇問題發生呢！

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 2|主題: 15864

少年成長今日: 2|主題: 15864