見有個POST講姐妹裙
撩起我條根寫返D做姐妹既趣事TIM
我做姐妹經驗真係無10次都有8次
伴娘都做過3次
因為來來去去都係我地成班舊同學或者同事互相為對方做吖嘛
真係次次都好好玩兼過足癮
再加上大多數都係D中小學同學幾十年交情
感情比較深厚兼且極度玩得啦
最笑爆咀既一次
係對上一次幫個舊同學做
姐妹團一共有12人
全部都係中學同學嚟架
基本上我地大家都係互相互做各人既姐妹啦
所以都玩到架輕就熟
而嗰次….當時我地個個都30歲有突突突突突啦
我仔都幾歲咯
OK……再講身型~~咁我地8成人都生完仔…..有D仲幾件TIM
咁你地諗下我地何其壯觀呀
講返新郎哥同班兄弟
佢地都係咁上下年紀
新郎比新娘大3日咋
話說…班兄弟一嚟到新娘屋企就起勢….叮噹~叮噹~~快D開門~~~我地嚟搶人呀
咁…我地派咗個大姐頭人馬出場應戰
果然……佢氣勢一流....................身型九流
一開門就嚇窒班友
因為………班兄弟又真係只可以望到佢而望唔到屋入面動靜……..
只因大姐頭足有2百LBS SIZE
負責叫囂既兄弟喺開門嗰一刻再叫唔出聲……….
佢淨係有D口窒窒咁講：我想嚟接新娘呀……..亞伯友…….
轟~~~~~~哈哈哈哈哈~~~~~~~~
我地喺入面就一聽到就笑爆咗咀
我隻衰公……..因為要幫手影MOVIE…所以一早跟咗我入嚟影花絮
佢當時都笑到震震地
大姐頭聽到之後就勁爆佢地啦
問佢地有無攪呀)))你地見過新外母著姐妹裙架咩？
你有無常識架咁……….
個死仔仲未知個死字點寫
佢答大姐頭：我以為你著得靚D飲茶吖嘛~~~~~~~~
我地見到咁…….即刻拖番大姐頭入嚟冷靜下啦
點知……..班友仔一見到我地成班姐妹………….
佢地個死人樣係有D驚囉
我老公真係喺度狂笑呀.........幾乞人憎呀佢
佢大大笑住聲話：頂，你地班嘢好似D大婆團去捉姦咁，係人都怕鬼咗你地啦
你地個樣咪咁兇狠啦…………….
班兄弟一聽到咁就喺度叫：真係有義氣呀呢位老兄 ……
我幾乎想一個榴槤塞落我老公把口度呀
跟住到玩新郎
我班姐妹因為條氣極度唔順
佢地真係出盡奶力咁玩架
玩到亞新娘同外母幫佢地求情咋
我老公咪同我班姐妹講
你地咪咁小器啦
一陣去到酒樓…..你地同佢地打麻雀殺到佢地遍甲不留啦………
呢單CASE………大約係咁啦
諗到再講
你地有無D好笑架？？
新做刑嗎?
羊羊, 你個post 洗唔洗咁型呀
羊羊...你好攪笑呀
發表於 
咁你地跟住點樣搵個新郎哥出氣呀
返回列表
